Abantu bathi kumele kubotshwe abaphathintambo bakahulumende labanye babo okuthiwa batshontsha imali yelizwe okumangalisayo.
Bathi kuyethusa okusanda kuvezwa nguAuditor General uNkosikazi Reah Kajinga othi kulenhlangothi zikahulumende ezigoqela olubona ngokwethulwa kwemibiko, olwezokulima, olwezemithetho lezinye ezaqambula izigidi lezigidi zamadollar eMelika abayithola kuhlangothi lwezemali olukhokhelwa nguMnu. Mthuli Ncube.
Kubikwa ukuba uhlangothi olubona ngezokwethulwa kwemibiko kwakumele luthenge izimota kodwa imali enengi yanyamalala. Lokhu kwenzakala lakuhlangothi lwezemithetho okuleziphathamandla ezatshayela esikhewini isidi sama dollar eMelika okwakumele isetshenziswe ukuqhuba inhlelo ezitshiyeyo.
Kasenelisanga ukuxoxa ngodaba lolu labaphathintambo baka hulumende. Okubandla leZanu PF, uMnu. Believe Gaule, uthi kuyayangisa okwenzakala kuhulumende.
Lokhu kusekelwa nguMnu. Nhlanhla Moses Ncube, unobhala jikelele wenhlanganiso yeFreedom Alliance, othi inhlanzi iqala ukubola ekhanda.
UMnu. Effie Dlela Ncube, ingcwethi kwezombusazwe okunhlanganiso yeNational Consumer Rights Association, uphelelwe ngokutshaphazwa kwemali kahulumende.
Abakukomishini ebona ngezenkohlakalo eyeZimbabwe Anti-Corruption Commission bayakile ukukhuluma ngodaba lolu besithi basaxoxisana ngalo.
Forum