Kuqhamuka Udlakela eHarare kuMDC-T

WASHINGTON DC —  Kuqhamuke udlakela olwesabekayo eHarare South kwalimala abasakhulayo bebandla leMDC elikhokhelwa nguMnu. Morgan Tsvangirai behlaselwa ngabacatshengelwa ukuthi ngabasekeli beZanu PF eHarare South. Abathathu babikwa belimele okwesabekayo basiwa esibhedlela se Aveunes Clinic.

Intsha le ibisembuthanweni wokuthakazelela ukunqoba kukhetho lwama Primaries okwenziwe nguMnu. Jacob Mafume ngempelasonto edluleyo. Abahlasele lumbuthano babikwa benakanelwa ukuthi ngamalunga ebandla leZanu PF.

Unobhala jikelele wentsha yalelibandla, uMnu. Promise Mkhwananzi utshele uChris Gande weStudio 7 ukuthi amapholisa alile ukubopha abahlasele amalunga ebandla lakhe.