Ugatsha lwezempilakahle lusebenzelana ndawonye lenhlanganiso ye World Health Organisation lubika ukuthi kulabantu abedlula ikhulu, 146 asebehlaselwe ngumkhuhlane wecholera wabulala abantu abahlanu.
Umkhuhlane lo ubikwa uqhamuke ezigabeni eziyisitshiyagalolunye zelizwe phakathi kwezingamatshumi amahlanu. Icholera ihlasele abantu phose inkulungwane ezilikhulu- 98 592 wabulala abedlula inkulungwane ezine, 4288 ekuqhamukeni kwawo ngomnyaka ka 2008.
Ikhefu leKhisimusi selisondele nje uzulu uxwayiswa ukuthi adle ukudla okuhlanzekileyo, okuphekwe kwavuthwa njalo kudliwe kukhudumala, ukunatha amanzi ahlanzekileyo, lokugeza izandla sikhathi sonke, ukuvikela ukumemetheka kwecholera.
UMnumzana Nicholas Moyo yingcwethi esebenzela ugatsha olubona ngezamanzi lokuhlanzeka kunhlanganiso ye UNICEF. UMoyo utshele uBrenda Moyo weStudio 7 ukuthi i UNICEF iqhubeka isipha uzulu ulwazi ngendlela zokuzivikela ekuthatheni igcikwane lecholera.
