Kuqhamuke udlakela emithethwandaba kaMantshi eHarare ngoLwesibili, phakathi kwamapholisa labasekeli beMDC Alliance abakade bezolalela ukuthonisiswa kosakhulayo walelo bandla, uMakomborero Haruzivishe.
Kuhle kwaba yingxabanxoza phandle ko mthwethwandaba kaMantshi eHarare, ngemva kokugwetshwa kukaHaruzivishe okubhaxabulwe kabuhlungu abantu abanengi ngamapholisa okugoqela intathelizindaba uSam Takawira.
UMantshi uNkosikazi Judith Taruvinga ugwebe uHaruzivishe ukuhlala ejele okwenyanga ezilitshumi lane, kodwa wasebeka eceleni inyanga ezilitshumi.
Isikhulumeli se MDC Alliance uNkosikazi Fadzai Mahere uthi njengebandla badane kakhulu ngokwenzakeleyo.
“Akukho kusisekelo sombuso lokhu okwenzakeleyo. Sizabona ukuba sizakwenza konke okusemandleni ethu ukuba akhululwe’
UMahere uqhubeke ethi bazakweza loludaba emthethwandaba waphezulu owe High Court bephikisa lesi sigwebo.
“Sizakusa udaba lolu kuyonale iviki. Sizabona ukuba athole ibheyili sidlulisela udaba lwakhe phambili. Sonke sizaykwazi ukuba ukugwetshwa kwakhe kube yisimanga”
Abalwela amalungelo oluntu bathi ukubotshwa kuka Haruzivishe yindlela yokwethusela labo abaphambana lomb ono kahulumende, okugcizelelwe ngomunye osakhulayo uMnu Pride Mkono.
“Thina njengabalwela amalungelo abantu eZImbabwe, sihlukumezekile ngokugwetshwa kuka Haruzvishe, ngoba akwenzayo kusemthethweni. Ukugwetshwa kwakhe kutshengisa ukuba uhulumende ufuna abantu bengamphikisi”
UHaruzivishe utholakale elecala ngeviki edluleyo elokutshotshozela uzulu ukuba aphatheke kudlakela etshengisela lelokulwisana lamapholisa eHarare ngokuwajikijela amatshe kusehlakalo esanzakale ngoNhlolanja.
Umtshutshisi uMnu Moses Mapanga uchaze uHaruzivishe njengomuntu ongela mbeko loba inhlonipho njalo ulakho ukubhidiliza impahla lokulimaza uzulu ngezenzo zakhe.
Amagqwetha ka Haruzivishe ekhokhelwa ngu Mnu Kossam Ncube azame ukuphikisa lesi sigwebo esithi sinzima kakhulu kasihambelani lecala lakhe elikhanya lilincane.
