Amapholisa athi kulomlilo olumathe endlini kaMnu. David Mnangagwa, indodana kaMongameli Emmerson Mnangagwa eHarare namuhla.
Amapholisa athi asehlolisisa udaba lolu oluza ngesikhathi kusanda kutholakala inhlamvu zombhobho lokunye endlini le. Akucaci ukuba kwenzekalani endlini kaMnangagwa.
Kolunye udaba, amapholisa namuhla eHarare abophe amalunga amahlanu ombuthatho okhokhelwa nguMnu. Job Sikhala oweNational Democratic Working Group (NDWG).
Amapholisa athi bebesemhlanganweni ongekho emthethweni eKuwadzana.
Uhulumende uthi uzajezisa bonke abacatshangelwa ukuba batshotshozela udlakela eZimbabwe.
Kulamalunga ebandla leCitizens Coalition for Change avalelwe entilongweni estheswa amacala okuqoqa umhlangano wokuthakazelela usuku lweInternational Day of the Africa Child eHarare okwakungekho emthethweni.
Kolunye njalo udaba, kulabalwa impi yenkululeko eTsholotsho okubikwa ukuba bafuna ukususela amanqe ukhansila abathi kalandeli izinqumo zabo lebandla elibusayo.
Asabalalisa imibono yabo kunkundla yokuxhumana eyeWhatsApp.
Forum