Kulabalwa impi yenkululeko abathi kabasekeli imizamo yabanye babo labakubandla leZanu PF eyokuthi uMongameli Emmerson Mnangagwa aqhubeke esembusweni kungafika umnyaka ka2028.
Abanye abakucele lenhlanganiso yeZimbabwe National Liberation War Veterans Association bathi akumelanga ibandla leZanu PF lephule isisekelo sombuso ukwenzela ukuba uMnangagwa ahlale embusweni.
Kodwa kulabanye njalo abasekela okufisa ngamanye amalunga ebandla leZanu PF athakazelela umbuso kaMnangagwa.
Kasenelisanga ukukhuluma lamanye amalunga enhlanganiso le okuthiwa asekela ukuba uMnangagwa aqhubekele phambili esembusweni kungafika umnyaka ka2028.
Kubikwa ukuba udaba lolu luzakhulunywa ngamanye amalunga ebandla leli emhlanganweni ozayo oweNational People’s Conference.
UMnu. Ethan Mathibela okhokhelwa elinye icele lenhlanganiso yabalwa impi yenkululeko uthi udaba luka Mnangagwa solubhidliza inhlanganiso yabo.
Forum