Kuhlelwa Umhlangano Omkhulu Phakathi Kwabosomabhizimusi baseEurope labeZimbabwe

Umanyano weEuropean Union (EU) uthi kulabatshali bezimali abedlula amakhulu amabili, 250, abavela emazweni asezwekazi leEurope abazakuya eHarare ngoNkwenkwezi ukuyakhulumisana labosomabhizimusi beZimbabwe ngokubambisana kunhlelo zamabhizimusi lokuthengiselana.

Kumbiko owethule ngoMvulo, lumanyano uthe umhlangano lo uzaqala mhlaka 20 uyegqitshwa mhlaka 22, njalo uzahlanganisa amabhizimusi aqhuba imisebenzi egoqela eyokulima, eyokwemba kanye leyokuphehla amagetsi.

I-EU ithi ngokwakuqala ukuthi osomabhizimusi labatshali bezimali abavela eEurope baqhube umhlangano waloluhlobo labosomabhizimusi baseZimbabwe.

“Umhlangano weEU-Zimbabwe Business Forum ngumbuthano wokuqala ohlose ukukhuthaza ukusebenzisana lokutshalwa kwezimali phakathi kwe-EU leZimbabwe phansi kwezivumelwano zeEconomic Partnership Agreement (EPA) leseGlobal Gateway,” kutsho iEU.

Lumhlangano uza ngesikhathi amankampani amanengi eZimbabwe esadalala ngenxa yokutshabalala komnotho kanye lokusilela kwamagetsi elizweni.

Ohlaziya ezenotho lezombusazwe uMnu Masimba Kuchera utshele iStudio 7 ukuthi ukuze umhlangano lo ukhange osomabhizimusi baseEurope kumele uhulumende alungisise okuthize okugoqela ukulwisana lenkohlakalo.

Embed share

Ingxoxo loMnu Masimba Kuchera

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:02:22 0:00

Lapho esitholakala khona

• 32 kbps | MP3
• 64 kbps | MP3

Ukudlala