Kulabantu abalitshumi lathobamunwe munye-19, abafele engozini yomgwaqo eNorton ngoLwesine ngemva kokuba ibhasi lenkampani yeChawasarira ebelisiya eChivi lidubuke iviri langqikilana lelori emgwaqweni osuka eHarare usiya koBulawayo.
Umsakazo weZBC ubike ukuthi kufe abantu abalitshumi lathoba minwe mibili ekade bekuleli bhasi.
Bekulenye njalo ibhasi yakoLofombo ebikwa ibihamba ngemuva kwale engqikilane lelori ezame ukubalekela lingozi kodwa yacina ibhewuka kwafa umuntu oyedwa.
Omunye wabasinde kulingozi utshele iZBC ukuba umtshayeli webhasi etshayane lelori ubegijima okwedlulise amalawulo njalo esala ukulalela inkuthazo yabantu ekade besithi engaze agijima. Asenelisanga ukukhuluma lamapholisa ngaloludaba.
Ingozi le ilandela enye njalo enzakale ekuqaleni kwenyanga ebulalise abantu abalitshumni lane. Leyo ke ibilandela enye njalo enzakale ekupheleni kwenyanga edluleyo yona ebulalise abantu abalitshumi lathobaminwemibili.
Inengi lisola imigwaqo emagodigidi ngokubangela lezingozi.
Umeli wePumula edale lephalamende njalo elilunga leTransport and Infrastructure Development Committee uMnu Albert Mhlanga suthe uhulumende wenza konke okusemandleni akhe ukulungisisa imigwaqo.
