Inhlanganiso ye Aids Free World kanye labesifazane sebekhuthaze ohulumende bamazwe ezwekazi le Africa ukuthi baqale uhlelo lokujezisa wonke amalunga ebandla leZANU PF labasekeli bakaMongameli Robert Mugabe abadale udlakela olwesabekayo lokudlwengulwa kwabesifazane ngesikhathi sokhetho lwanyakenye.
I Aids Free World yethule umbiko lo ngolweSine eJohannesburg odalula izenzo zobudlova ezenziwe ngabeZANU PF nyakenye kwabesifazane abangamalunga ebandla leMDC.
Kunjalo nje ingcwethi ecubungula ezombusazwe esebenza lenhlanganiso ezilwela ilungelo lasebephila legcikwane le HIV-Aids, uMnumzana Walter Nsununguli Mbongolwane uthi kaboni abakhokheli bamazwe e Africa bemelana loMongameli Robert Mugabe ngodaba lokuthi uhulumende wakhe usebenzise ukwedlwengula abesifazane njengesikhali sokwethusela abasekeli bamabandla aphikisayo, ngesikhathi sokhetho lwanyakenye.
