Izifundi zenhlanganiso ye Zimbabwe National Students Union (ZINASU) ezibalisa uNancy Njenge, Tapiwanashe Chiriga lo Liam Kanhenga zibotshiwe edale lika magistrate lapho abezizosekela omunye wazo uMnu. Makomborero Haruzivishe.
Isikhulumeli se Zimbabwe Laywers for Human Rights (ZLHR) uMnu. Kumbirai Mafunda yena oyintathelizindaba ubotshwe okwesikhatshana wasekhitshwa ngemva kokwetheswa icala lokusebenzisa incwadi yokuba yintathelizindaba eyomnyaka ka 2019.
Kusenjalo, owayengumphathintambo wezabelo zemaphandleni lemadolobheni uMnu. Ignatius Chombo usephiwe imvumo yokubhadala imali yesibambiso eye bail, njalo uzamiswa emthethwandaba mhlaka 12 kuMbimbitho.
UMantshi wedale le magistrate e Harare uMnu. Stanford Mambanje wethule isinqumo sakhe ngemva kokwenqabela limvumo izolo esithi ufuna isikhathi sokubala lokhu okulethwe ngamaqgwetha akhe emthethwandaba.
