Namuhla lusuku lokubalwa kwama-electoral votes eMelika ngesikhathi kukhunjulwa okwenziwa ngabalandeli bowayengumongameli uMnu. Donald Trump abazama ukuphazamisa ukubalwa kwawo ngomnyaka ka2021 kulandela ukunqotshwa kwakhe nguMnu. Joe Biden.
Abezindaba abeReuters babika ukuba kugcwele amapholisa ensitha labanye abezomvikela eCapital Hill eWashington DC okuzabalwa khona amavoti la awokufaka uTrump esikhundleni kulandela ukunqoba kwakhe umsekeli kamongameli uNkosikazi Kamala Harris kukhetho lukamongameli oluqhutshwe ngoLwezi.
Izabelo zonke zilama electoral votes athize athwalwa ngokuthiwa ngama electors ahamba lawo eWashington DC abalwa edale leCongress kubesokulotshwa incwadi yokuthi ngubani onqobileyo.
Utrump wathola amaelectoral votes edlula amakhulu amathathu – 312 kwathi unkosikazi harris yena wathola afika phose amakhulu amabili lamatshumi amathathu – 226.
unkosikazi harris njengomsekeli kamongameli nguye ozaphatha ukubalwa kwamavoti la.
kulabalandeli baka trump abanengi ababotshwa ngesikhathi bezama ukuvimba ukubalwa kwamavoti la. Trump uthi uzakhulula bonke abavalelwe entilongweni engagcotshwa mhlaka 20 kuyonale inyanga.
Ukuze sihlaziye udaba lolu, sixoxe loMnu. Raphael Mthombeni olandela ezombusazwe eseDallas, Texas, othi abantu abasoze bekhohlwe okwenziwa ngabalandeli bakaTrump ababezama ukuvimba ukubalwa kwama-electoral votes.
Forum