Umsekeli kamongameli, uMnu. Kembo Mohadi, usetshiye umsebenzi esithi ufisa ukuhlolisisa udaba lokuthi ucatshangelwa ukuba waya emacansini labesifazane abambalwa, abagoqela omama abatshadileyo labantwana besikolo.
Uhlangothi olubona ngokwethulwa kwemibiko lwethule incwadi enkundleni yokuxhumana eyeTwitter elotshwe nguMohadi esithi wenze lokhu ngenxa yokukuthi kafun’ukutshaphaza uhulumende kaMongameli Emmerson Mnangagwa.
Uxolise uMnangagwa ngokwethulwe liphephandaba lebulenjini eleZimLive elithole amazwi kaMohadi okuthiwa athatshwa efonini lenkundleni yeWhatsApp ekhuluma labesifazana esithi ufuna ukuya emacansini labo kumbe ukwenza kwakhe labanye emacansini.
UMohadi uthi ngamanga aluhlaza tshoko ukuthi nguye okhuluma kuma audios atholwa liphephandaba leZimLive.
Ama audios la aveza ukuba wayekhuluma labesifazana langokulala labo ewofisini yakhe.
Kukhangelelwe ukuba uMnangagwa uzavuma ukuba uMohadi atshiye umsebenzi.
Akukacaci ukuba ngubani ozangena esikhundleni lesi.