Abaphathintambo bamazwe angamalunga enhlanganiso yomanyano wangezansi kwezwekazi leAfrica eyeSadc ababona ngobudlelwano bamazwe abo lamanye amazwe abahlangane ngoLwesine eMozambique bathi bayajabula ngengqubela phambili esibe khona eZimbabwe.
Kodwa bathe bafuna kulungisiswe konke okulokhu kuhlupha kuhulumende womanyano phakathi kweZanu PF lamacele womabili eMDC, okugoqela udaba luka sibalukhulu webhanga elikhulu lelizwe uMnumzana Gideon Gono.
Isiqokoqela somhlangano weMozambique bekuyikukhulumisana ngomhlangano omkhulu weAfrican Union okhona ekupheleni kwalinyanga kwele Ethiopia eAddis Ababa. Inkulumo phakathi kweZanu PF leMDC zona zizaqala mhlaka 16.
Omunye wabakunkulumo lezi engowe MDC ekhokhelwa nguMnumzana Arthur Mutambara uMnumzana Welshman Ncube utshele uNtungamili Nkomo weStudio 7 ukuthi ibandla lakhe lifuna ukudonselana okukhona kuphele.
