Umongameli Emmerson Mnangagwa ukhangelelwe ukusuka ngoLwesihlanu elizweni elubhekise eAddis Ababa emhlanganweni we-32nd Ordinary Session of the Assembly of the African Union ozaqhutshwa ngeSonto langoMvulo.
Ubesethumele iziphathamandla zikahulumende wakhe ezigoqela uMnu. Chris Mutsvangwa loMnu. Perrence Shiri, ukuthi ziyekhuluma lenkokheli yamazwe ambalwa kuzwekazi leAfrica ngokwenzakala eZimbabwe phambilini kwalumhlangano.
Izithunywa lezi sezihlangane lomongameli Uhuru Kenyatta, umongameli Edgar Lungu labanye abakhangelelwe ukuthi bazamsekela esechasisa okwenzakala eZimbabwe lapho abantu abathi bahlukuluzwa libutho lesizwe kulandela ukutshengisela emigwaqweni bekhonona ngokukhuphuka kwentengo yamafutha ezimota lokunye okutshiyeneyo. Umongameli Kenyatta ubikwa esithi useqalisile ukukhuluma ngokwenzakala eZimbabwe esithi okuhluphayo yizijeziso zenotho ezafakelwa uMnangagwa labanye bakhe ngamazwe entshonalanga.
Asenelisanga ukukhuluma ngodaba lolu labaphathintambo bakahulumende lezithunywa zikamongameli Mnangagwa. Akesizwe uGibbs Dube weStudio 7 exoxa ngokwenziwa ngaloludaba loMnu. Joseph Tshuma okudale leCentral Committee kubandla leZANU PF, okhuluma ezimele.
UMnu. Clement Moyo, olwela ilungelo loluntu unika umbono wakhe ngodaba olufanayo.