Umnyaka omutsha uqala nje, icele leMDC elikhokhelwa nguMnu Morgan Tsvangirai lithi lifuna abantu abalahlekelwe yimpahla yabo kudlakela olube khona ngesikhathi sokhetho nyakenye bahlawulwe.
Embikweni eliwethule ngoLwesithathu, ibandla leli lithe lokhu kumele kwenziwe ukuze kube lokuxolelana okupheleleyo elizweni. Lithi njalo lifuna konke okusele kulenga kusivumelwno seGlobal Political Agreement kulungisiswe ngokuphangisa.
Umsekeli wesikhulumeli saleli bandla uNkosazana Thabitha Khumalo utshele uNtungamili Nkomo weStudio 7 ukuthi bafuna njalo uhlelo lokulotshwa kwesisekelo sombuso esitsha luqhutshwe ngokuphangisa.
