Izulu elinengi elikhanya lisina elizweni lonke jikelele libikwa lidale umonakalo kweminye imizi yako Bulawayo.
Izulu leli eline ngolweSine emini livimbe abantu abanengi ukuyafika ezindlini zabo bevela emisebenzini. Abanye babikwa besile ngokuqansa phezu kwezindlu ngemva kokungena kwamanzi amanengi ezindlini. Izulu leli libikwa libhidlize izilimo lempahla, kodwa akulamibiko yabalimeleyo kumbe abafileyo.
U Alderman Charles Mpofu owayemela umuzi wenketa kumanisipala utshele uBrenda Moyo weStudio 7 ukuthi izindlu lezi zakhiwe endaweni embi eduzane lesifula, esethesa umanisipala wakoBulawayo umlandu wokungadingi ulwazi lwabomanjinela ngesikhathi kusakhiwa lezi zindlu.
