Abezindaba abeassociated press babika ukuba abantu abedlula ikhulu – 112 babulewe lizulu lesikhukhula uHurricane Helene eFlorida, North Carolina, South Carolina, Georgia lizinye izabelo.
Kubikwa ukuba abantu abanengi badingwa ngabahlenga uzulu abohlangothi lukahulumende olweFederal Emergency Management Agency (FEMA).
Kulabanye abantu njalo abathi sebehlale insuku ezintathu bengela mlilo kagesi.
UMongameli Joe Biden ngoMvulo wethule umbiko othi bazama ngamandla wonke ukuhlenga abantu abalokhu bephakathi kwamanzi amanengi njalo bazadingela ukudla lokunye bonke ababhekane lomonakalo lo.
Kulabadabuka eZimbabwe abathi izulu leli libatshiye bengela mlilo kagesi.
Omunye wabo uMnu. Tshaka Tshabalala ohlala eGreenfield eSouth Carolina uthi okwamanje kabala mlilo kagesi ngenxa yezulu leli njalo izikolo zonke zivaliwe esabelweni lesi.
Forum