Usikomitshi wamapholisa uMnumzana Augustine Chihuri uthi ufuna imali engange 2,9 million U-S dollars yokuthi amapholisa alondoloze labo abazaphuma ijumo besiyathapha imibono kazulu ngesikhathi sokulotshwa kwesisekelo sombuso esitsha.
Kodwa ikhomidi yedale lephalamende ebona ngokulotshwa kutsha kwesisekelo sombuso ithi amapholisa kumele abhadalwe nguhulumende. Omunye wabagcinisihlalo bekhomidi le uMnumzana Douglas Mwonzora uthi okwakhathesi bazamisa uhlelo lolu njengoba sokukhanya angani kulabantu abafuna ukubangela udlakela ngesikhathi kuthathwa imibono kazulu.
Kunjalo nje kulenhlanganiso yamagqwetha akwele Melika esisebenzelana lenhlanganiso ezimbalwa kweleZimbabwe ekulotshweni kwesisekelo sombuso esitsha.
Inhlanganiso le ithiwa American Center for Law and Justice. UBrenda Moyo weStudio7 ukhulume lelinye lamagqwetha la uMnumzana Jordan Sekulow.
