Uhlangothi lukahulumende olweZimbabwe National Statistics Agency kumbe ZIMSTAT lwazise ukuba intengo yempahla ikhuphuke ngesilinganiso sokungamatshumi phose ayisithupha ekhulwini-57.5% kuyonalinyanga sisuka kumatshumi amahlanu lanhlanu ekhulwini i-55.3%.
Kodwa ingcitshi yezenotho eyaseMelika uSikhwicamfundo
Steve Hanke ofundisa ekolitshini leJohn Hopkins uthi inani leli selikhwele lafika ku2486%, okulinani eliphezu kwamazwe onke omhlaba.
Lokhu kuza ngalesi isikhathi ibhanga lesizwe eleRBZ lisanda kwethula imali entsha eyeZimbabwe Gold kumbe ngenhloso yokumisa ukuphela amandla kwemali yeZimbabwe.
Imali yephepha kanye lamacoin zikhangelelwe ukuqala ukutholakala emabhanga kusasa.
Ingcwethi yezenotho esebenza lenhlanganiso yeCentre for Disability Rights, uMnu Masimba Kuchera, utshele iStudio7 ukuthi inengi labantu eZimbabwe selisehluleka ukuziphilisa ngenxa yokukhwela kwentengo yempahla.
Forum