Inhlanganiso elwela ilungelo likazulu, iZIMRIGHTS ithi sokulokufuthelana okwesabekayo phakathi kwezakhamizi zesigaba seMasvingo phezu kokuphindiselana kwezakhamizi ngodlekala olwenzakala phambilini kokhetho luka 2008. Linhlanganiso ithi ukufuthelana loku sekuze kwabangela ukulwiswa kwabasekeli bebandla leMDC ngabasekeli bebandla le Zanu PF.
IZimRights ithi okunye okukhanya sekuletha ingxabano ludaba lokulotshwa kutsha kwesisekelo sombuso ngoba abasekeli beZanu PF befuna ukubamba ngamandla izakhamizi ukuthi zisekele ukusetshenziswa kwesisekelo se Kariba.
Kunjalo nje, inhlanganiso ye Christian Alliance ithi izaqala ngeMasvingo ukwenza uhlelo lokuletha ukuxolelana ekuqaleni kwenyanga ezayo. UChris Gande oweStudio 7 uxoxe lesikhulumeli senhlanganiso le, uMfundisi Useni Sibanda ukuze sizwe okunengi ngaloludaba.