Iqembu leZimbabwe Mighty Warriors linqotshwe ngeleAngola 5-4 kuma penalties ngoLwesithathu emdlalweni weWomen Africa Cup of Nations odlalelwe kweleSouth Africa.
Elezimbabwe linqobe eleAngola nge2-1 njengalokhu elakwenziwa ngeleAngola emdlalweni odlalelwe kulelolizwe kunsukwana ezedluleyo.
Kucine kutshaywa imbekwa ukwenzela ukuthi kube leqembu elilodwa elizaqhubekela phambili emidlalweni le.
Lokhu khutsho ukuba eleZimbabwe seliphumile kumncintiswano lo.
Ukuhlaziya loludaba sixoxe loMuziwethu Hadebe, ingcwethi kwezemidlalo ezimeleyo othi kulokudonselana kuqembu leli okumele kulungiswe yinhlanganiso yezemidlalo yenguqu eyeZimbabwe Football Association.
UHadebe uthi kulabanye abathi iqembu leli kumele liqeqetshwe ngumuntu wesilisa hatshi uSamukeliso ‘Makwinji 15’ Sibanda.
Kodwa banengi abathi kumele abesifazana beqeqetshe iqembu leli.
Forum