Uhulumende uthi ucela imali engangamadollar edlula ibillion lengxenye-$1.5 billion yokuthi athengele uzulu olambayo elizweni, ukudla kanye lokuncedisa abalimi ukuthenga ukudla kwezifuyo lokunye okokulimisa.
Umsekeli kaMongameli welizwe uMnu Emmerson Mnangagwa wethule isicelo lesi ngoLwesibili njalo uthi imali le izasetshenziswa kunhlelo zokuvuselela amadamu, izikotsho lama-irrigation.
Uhulumende uthi abantu abahlaselwe yindlala abadinga uncedo bafika kuzigidi ezintathu, 3 million.
Ingcwethi kwezokulima uMnu Everson Ndlovu uthi lanxa i$1.5 billion inlutshwana, izanceda kakhulu ngoba umumo wendlala uqhubeka usiba mubi kakhulu elizweni.
"Linyathelo elihle elithethwe nguhulumende njalo okungithokozisayo kakhulu yikuthi ekuceleni limali kubohulumende bakwamanye amazwe lakumankampani lenhlanganiso ezizimeleyo, ube lomcabango wokucela hatshi eyokuthenga ukudla ngesiphangi phangi kuphela kodwa lokuhlelela isikhathi sokulima esilandelayo".
