WASHINGTON DC —
Abikwa emabili amalunga edale le Congress le Melika acelwa yizizalwane ezimbili ze Melika ukuthi ancedise ekwesuleni izijeziso zenotho ezafakelwa uMongameli Robert Mugabe labanye bakhe bebandla le Zanu PF.
Iphephandaba le Chicago Tribune libika ukuthi amalunga la acatshangelwa ukuthi nguMnu. Danny Davis loMnu. Bobby Rush abacelwa nguMnu. Prince Ben Israel loMnu. C. Gregory Turner bedolobho le Chicago, Illinos.
Umnu. Israel lo Turner bathembisa ukuthi bazasebenza gadalala ukuthi kwesulwe izijeziso lezi nxa benganikwa imali eyedlula izigidi ezintantu zamadollar emelika - $3.4 million.
Akwaziwa ukuthi uMugabe labanye bakhe bayibhadala kumbe hatshi imali le. IChicago Tribune ithi kukhanya engani uDavis lo Rush bazama ukuthi kufakwe umthetho edale le United States Congress owokwesula izijeziso zenotho ezafakwa ngamazwe entshonalanga.
Kasenelisanga ukukhuluma labo ngodaba lolu. Umthetho kawuvumi ukuthi isizalwane se melika sisebenze labanye abantu kumbe amankampani ekuzameni ukuthi kwesulwe izijeziso lezi. Sixoxe lomnu.
Thabani Nyoni umqondisi we Bulawayo Agenda uthi abantu abanengi eMelika kabazwani lokwenziwa nguMnu. Israel lo Turner.
Iphephandaba le Chicago Tribune libika ukuthi amalunga la acatshangelwa ukuthi nguMnu. Danny Davis loMnu. Bobby Rush abacelwa nguMnu. Prince Ben Israel loMnu. C. Gregory Turner bedolobho le Chicago, Illinos.
Umnu. Israel lo Turner bathembisa ukuthi bazasebenza gadalala ukuthi kwesulwe izijeziso lezi nxa benganikwa imali eyedlula izigidi ezintantu zamadollar emelika - $3.4 million.
Akwaziwa ukuthi uMugabe labanye bakhe bayibhadala kumbe hatshi imali le. IChicago Tribune ithi kukhanya engani uDavis lo Rush bazama ukuthi kufakwe umthetho edale le United States Congress owokwesula izijeziso zenotho ezafakwa ngamazwe entshonalanga.
Kasenelisanga ukukhuluma labo ngodaba lolu. Umthetho kawuvumi ukuthi isizalwane se melika sisebenze labanye abantu kumbe amankampani ekuzameni ukuthi kwesulwe izijeziso lezi. Sixoxe lomnu.
Thabani Nyoni umqondisi we Bulawayo Agenda uthi abantu abanengi eMelika kabazwani lokwenziwa nguMnu. Israel lo Turner.