Izigilamkhuba Zitshisa Umuzi Zibulale Umuntu koMasendu

WASHINGTON DC —  Uzulu wakoMasendu ePlumtree usele ethithibele ngemva kokuba abantu abangaziwayo belumathise omunye umuzi ngomlilo badubula abantu ababili kulowomuzi oyedwa wafa kwathi omunye wathwalelwa esibhedlela.

Amapholisa asathungatha umzila wezigilamkhuba lezi, zona ezinakanelwa ukuthi bezihamba ngemota. Akukazakali ukuthi bezihloseni lokuthi zingaba ziyizihlobo zalimuli na kumbe hatshi.

Omunye wezakhamizi zakoMasendu uMnu Freeman Dube utshele lumsakazo ukuthi bacabangela ukuthi le ingaba iyimpi yomdeni.