Izifundi ze University of Zimbabwe zikhalale izifundo zidinga ukuba abaphathi balelikolitshi behlise inhlawulo yezifundo lokuba zitholiswe indawo zokuhlala kulelikolitshi.UThomas Chiripasi usethulela loludaba ngokugcweleyo ese Harare.
Kusenjalo, umsekeli kamphathintambo kahulumende obona ngemfundo yaphezulu, uMnu. Lutho Tapela utshele uSithandekile Mhlanga we Studio 7 ukuthi indlu yokudlela, kanye lizinye izakhiwo ekolitshini le University of Zimbabwe zisalungiswa ngakho izifundi azingeke zavunyelwa ukuhlala kulelikolitshi okwakhathesi.
UTapela utshele uSithandekile Mhlanga we Studio 7 ukuthi ekubhadalweni kwemali yama fees, izifundi ziyakwazi ukuthi uhulumende angazibhadalelela imali le ngaphansi kohlelo lwe Cadeship Programme, beyibuyisele bengaqesa izifundo zabo ngokusebenzela uhulumende.
