Abafundi bekolitshini leNational University of Science and Technology, lamhlanje banikezwe ingwalo eziveza ukuba bagqibe izifundo abakade bezenza njalo baphumelela, ezamadegree, nguMongameli Emmerson Mnangagwa, emkhosini owenzelwe kule ikolitshi ekoBulawayo.
Ekhuluma ngemva kokuphiwa kwakhe ugwalo lwakhe lokugqiba izifundo zokuthi abe nguSikhwicamfundo kwezenombolo, uDokothela Solwayo Ngwenya, uthe uzanceda kakhulu abesifazana abazithweleyo lokunye okwezempilakahle..
UNkosazana Sanele Hlabangani, isakhamuzi sakoBulawayo, ebesisenza izifundo kwezemidlalo uthi bekungelula ukufunda okweminyaka emihlanu ikakhulu ilizwe liphakathi kokumelana lokuqhamua kobhubhane olweCovid-19.
Olwela amalungelo oluntu labafundi, uMnu Ben Moyo uthi kuhle abafundi batholile izicoco kodwa ukhathazekile ngoba akulamisebenzi njalo lezikolo zeMaNdebeleni inengi lazo azila babalisi benombolo lescience.
Kulabo abagcotshwe lamuhla bekulezifundo ezinhlanu ezintsha kunhlelo zeNUST ezibalisa iEarth Science, Electronic Engineering, Mining Engineering, Geometrics and Surveying le Environemntal Engineering.
Abanye balabo abathole ama degree abo namuhla bathole njalo imivuzo yemali. Omunye wabo nguSalani Justin obefundele ezePublishing, loBhibho Tapiwanashe obefundela ezobunjinela abathole inkulungwane eyodwa yamadollar eMelika-$1,000, umuntu emunye ngaphansi kohlelo lukaMongameli olwe President Emmerson Mnangagwa Chancellors Award. Abathole amadegree awePHD, aweDoctorate, bebeyisifica minwe mibili kuthi abe Mphil bebebathathu
Abafundi abangamakhulu amabili lamatshumi amane lane-244 bathole amadegree akuqala kuthi abangamakhulu edlula amathathu-311 bebefundela emakolitshini asebenzelana leNUST.