Izakhamuzi zako Bulawayo zikhala ngendlela eziphethwe ngayo yinkampani kagetsi eyeZimbabwe Electricity Supply Authority (ZESA) ebabhadalisa imali enengi okwamagama eyomlilo kagetsi.
Izakhamizi zihlangene emzini weMabutweni koBulawayo, lapho ezithwalise nzima izithunywa ze ZESA ezetheswe icala lokubhadalisa imali engahambelani leholo lezisebenzi lamagetsi eziwa sebenzisayo.
Kube luthuli emhlangenweni lo lapho izakhamizi ezitshele izithunywa lezi ukuthi inhlawulo yomlilo kagetsi kumele yehliswe ngoba amagetsi ehlala ecitshwa nsuku zonke.
Kusenjalo, isithunywa se ZESA uMnu. Mqondisi Sibanda uzamile ngamandla wonke ukubhula umlilo emhlanganweni lo watshela izakhamizi ukuthi kumele ziye emahofisini e ZESA nxa zihlutshwa yikubhadala inkalakatha yemali yomlilo kagetsi.
Izakhamuzi zeMabutweni Zidlela Amahabula INkampani Kagetsi EyeZESA
- Gibbs Dube
