Izakhamizi zeLower Gweru, esabelweni senkabazwe zithi zibhekane lodubo olukhulu lwendlala ngenxa yokuguquka kwesimo somkhathi osokubangela ukuphuza lokungani kuhle kwezulu. Inengi lithi uhulumende lenhlanganiso ezinceda uzulu sokumele zisungule inhlelo zokuphathisa izakhamizi zalindawo ngokudla lamabele.
Kuvame ukuthi ngalesi isikhathi somnyaka izakhamizi zalindawo zibe sezisidla amakhomane, ulude lezinye izilimo ezivuthwa masinya ngehlobo kodwa lonyaka akunjalo.
UMnu. Rain Mathulisa wase Shagari uthi isimo sibi.
UNkosazana Jennifer Hove yinkokheli yabo mama kwezokulima eSt Faith. Yenake uchasisa kabanzi ngababhekane lakho lonyaka.
UCouncillor weMdubiwa Ward uMnu. Benjamin Mpala ngumlimisi omkhulu walindawo othi udubo yikuthi inengi kalenelisanga khona ukulima.
Ummeli weVungu edale lePhalamende UMnu Omega Sibanda ugcizelela ukuthi indlala izakuba khona enkabazwe lonyaka.
Abanye bathi bayancitshwa ukudla ngezinye zeziqatshwa zikahulumende okumele zabele abantu ukudla kokusiza abaswelayo zisebenzisa inkethabetshabi.
Omunye obikwa encitshwa ukudla nguGogo uIdah Mbambo ohlala eSukunene oleminyaka yokuzalwa ephose ifike ikhulu- 95 years.
Umnunzana Goodwin Sibanda ngoweZanu PF. Yenake uyavuma ukuthi eSukunene bakhona abaziwayo abebandla lakhe ababandlululayo.
Umlisa weMdubiwa Ward uMnu Emmanuel Makhula uhulumende kangenele ekuphiweni abaswelayo ukudla.
Ingcwethi kwezumumo womkhathi zithi ukungani kuhle kwezulu kubangelwa yikuguquka kwesimo sawo umkhathi.
