Izakhamizi emaphandleni ezigabeni ezitshiyeneyo zithi amabele asetshile njalo lezifuyo kazisebeladlela. Ngesikhathi esifanayo zithi azitholi ukudla okumele kunikwe abalambayo nguhulumende lezinye inhlanganiso ezizimeleyo.
UMnu. Japhet Moyo ohlala esigabeni senduna uMathuphula eTsholotsho uthi babhekane lendlala enkulu.
Uyakhala loMnu. Trymore Mpofu ohlala eBulilima East othi izakhamizi aziselakudla ngitsho lakancane njalo inkomo lezinye izifuyo sezicakile.
Sibi isimo samabele eLupane njalo lokugugudeka komnotho sokutshiya abanengi bengalakudla ezindlini. uMnu. Moven Qhelisa Ngwenya ngomunye wababhekane lendlala.
Uhulumende uthi uzakwenza okusemandlali akhe ukuba abantu bengabulawa yindlala. Usanda kubika ukuba amabele phose wonke ezabelweni ezitshiyeneyo asetshile ngenxa yokungani kuhle kwezulu okubaselwa yisikhudumezi somkhathi esibangelwe kakhulu lonyaka yisehlakalo se-El Nino.
Forum