WASHINGTON DC —
Lanxa umanyano weSadc unqume ngempelaviki ukuthi imithetho efana lePosa kanye leAippa kumele iguqulwe lidale lephalamende ngaphambilini kokhetho, lokhu kulakho ukungenzeki ngoba kungasensuku zatshwala ukuthi iphalamende idilizwe.
Idale lephalamende lenza umsebenzi walo ngoLwesibili kusiyafika ngoLwesine, okutsho ukuthi nxa kukhangelwa ngalindlela, lelidale selisalelwe ngamalanga ayisithupha kuphela ukuthi lidilizwe ngaphansi komthetho kumelelwe ukhetho olutsha.
Kodwa umthetho uyavumela ukuthi lelidale lihlale yiloba yiliphi ilanga nxa kukhona okumqoka ukuhluzwayo. Lelidale lingathatha lindlela, liyabe selisalelwe ngamalanga alitshumi lanye.
ISadc ilaye ngoMgqibelo emhlanganweni ewenzele eMozambique ukuthi imithetho efana leAippa lePosa kumele iguqulwe kungakayiwa kukhetho.
Ithe njalo inguquko kumthetho weElectoral Ammendment Act esayinwe nguMongameli Robert Mugabe ngeviki edluleyo, kumele iye ephalamende.
ISadc ithe njalo uMugabe kumele acele idale leConstitutional Court ukuthi lidlulisele ukhetho phambili kuqalwe kulungisiswe konke okuhluphayo.
Ngokwazi kwethu, bekungakenzakali lokhu ngoMvulo ntambama. Yena uMongameli Mugabe ubephakathi kokwethekelela kweleBotswana ukuyakhalela imuli yakoKetumile Masire.
Idale lephalamende lona lizaqala ukuhlala ngoLwesibili, kodwa umphathintambo obona ngendaba zephalamende uMnu Eric Matinenga uthe kaboni lelidale liqalisa ukuhluza imithetho ekhulunywe yiSadc ngoba umphathintambo wezemithetho uMnu Patrick Chinamasa engakenzi okumele kwenziwe nxa udaba luzalethwa ephalamende.
Ummeli weBulilima West edale lephalemende njalo engomunye wabaphathintambo ababona ngohlelo lokuxolelana uMnu Moses Mzila Ndlovu uthe nxa kulokuzimisela kumabandla wonke akuhulumende, imithetho emibi ilakho ukuguqulwa iphalaende ingakadilizwa.
"Abantu beZanu PF bavele bajwayele indaba zefast-track, khonokho ababekwenza ngomthetho wokwabiwa kutsha komhlabathi. Sesifikile ke isikhathi sokuthi benze ifast-track yalimithetho," kutsho uMnu Mzila.
"Khona ukusayina inguquyo yomthetho wezokhetho okwenziwe nguMugabe bekuyikwephula umthetho ngoba idale lephalamende alikadilizwa. idale yilo elimele lihluze lumthetho kuqala ungakayi kuMongameli."
Idale lephalamende lenza umsebenzi walo ngoLwesibili kusiyafika ngoLwesine, okutsho ukuthi nxa kukhangelwa ngalindlela, lelidale selisalelwe ngamalanga ayisithupha kuphela ukuthi lidilizwe ngaphansi komthetho kumelelwe ukhetho olutsha.
Kodwa umthetho uyavumela ukuthi lelidale lihlale yiloba yiliphi ilanga nxa kukhona okumqoka ukuhluzwayo. Lelidale lingathatha lindlela, liyabe selisalelwe ngamalanga alitshumi lanye.
ISadc ilaye ngoMgqibelo emhlanganweni ewenzele eMozambique ukuthi imithetho efana leAippa lePosa kumele iguqulwe kungakayiwa kukhetho.
Ithe njalo inguquko kumthetho weElectoral Ammendment Act esayinwe nguMongameli Robert Mugabe ngeviki edluleyo, kumele iye ephalamende.
ISadc ithe njalo uMugabe kumele acele idale leConstitutional Court ukuthi lidlulisele ukhetho phambili kuqalwe kulungisiswe konke okuhluphayo.
Ngokwazi kwethu, bekungakenzakali lokhu ngoMvulo ntambama. Yena uMongameli Mugabe ubephakathi kokwethekelela kweleBotswana ukuyakhalela imuli yakoKetumile Masire.
Idale lephalamende lona lizaqala ukuhlala ngoLwesibili, kodwa umphathintambo obona ngendaba zephalamende uMnu Eric Matinenga uthe kaboni lelidale liqalisa ukuhluza imithetho ekhulunywe yiSadc ngoba umphathintambo wezemithetho uMnu Patrick Chinamasa engakenzi okumele kwenziwe nxa udaba luzalethwa ephalamende.
Ummeli weBulilima West edale lephalemende njalo engomunye wabaphathintambo ababona ngohlelo lokuxolelana uMnu Moses Mzila Ndlovu uthe nxa kulokuzimisela kumabandla wonke akuhulumende, imithetho emibi ilakho ukuguqulwa iphalaende ingakadilizwa.
"Abantu beZanu PF bavele bajwayele indaba zefast-track, khonokho ababekwenza ngomthetho wokwabiwa kutsha komhlabathi. Sesifikile ke isikhathi sokuthi benze ifast-track yalimithetho," kutsho uMnu Mzila.
"Khona ukusayina inguquyo yomthetho wezokhetho okwenziwe nguMugabe bekuyikwephula umthetho ngoba idale lephalamende alikadilizwa. idale yilo elimele lihluze lumthetho kuqala ungakayi kuMongameli."