Inhlanganiso yomanyano wamazwe eyeUnited Nations ikhangelelwe ukuqhuba umhlangano ohlaziya isinqumo esilakho ukuthathwa yilinhlanganiso esikhuthaza ukuthi kumiswe impi eGaza ukuze kuphathiswe uzulu.
Isinqumo lesi siveza ukukhathazeka ngokwenzakala eGaza njalo sikhuthaza ukuthi kuvikelwe uzulu we-Israel kanye lowePalestine phansi komthetho ovikela uzului.
Isinqumo esifana lalesi sivunywanga emhlanganweni wekhansili yomvikela kumanyano weUnited Nations ngeviki edluleyo ngenxa yokuba iiMelika yalile. Akukabi lelizwe elale lesi sinqumo okwakhathesi laloba izinqumo zalumhlangano zingela mandla okuthi kufanelwe zilandelwa zilamandla ezombusazwe.
Isikhulumeli sohlangothi olubona ngokudlelana kwele Melika lamanye amazwe uMnu Matthew Miller uchaze ukuba iMelika ayivumelananga lesinqumo sekhansili yomvikela ngoMvulo ngoba ingafuni ukuthi abakhokheli beHamas abahlela ukuhlasela i-Israel baqhubekele phambili bethola isikhathi sokuhlela ezinye inhlelo zokuhlasela.
Exoxa leStudio7, olandela ezombusazwe njalo ekunhlanganiso yeBulawayo Progressive Residents Association, uMnu. Joseph Nkomazana, ukhuthaze amazwe omhlaba ukuthi aphathise kunkulumo ezingaletha ukuthula lokuvikeleka kukazulu weIsrael lePalestina.
Forum