Umphathintambo kahulumende obona ngezamafekithali, uMnu. Mangaliso Ndlovu, uthi uhulumende weZimbabwe uhlutshwa yikukhuphulwa kwentengo yempahla mahlayana ngabosomabhizimusi abafuna ukunotha ngesiphangiphangi.
UNdlovu uthi akulasizatho sokuthi osomabhizimusi bakhuphule intengo yempahla okungapheliyo.
Uthi abenza lokhu ngabadinga imali ngamehlo abomvu.
Intengo yempahla ikhuphuka nsukuzonke eZimbabwe kulabanye osomabhizimusi abathi kwenziwa yikwehla kwesisindo semali yohlobo lwama bond notes.
Bathi lokhu kwaqala ngesikhathi uMnu. Mthuli Ncube, umphathentambo wezemali, esanda kuvezela abantu okwenziwa nguhulumende kujongwe ukuvuselela umnotho welizwe.
Banengi abachothoza uNcube besithi kukhanya egijimisa ukutholela uhulumende imali kulokuthi akhangelane lokufiswa nguzulu.
