Umanyano weSouthern African Development Community, SADC, uthi uzathumela iqula lePanel of Elders elizakhokhela inkulumo phakathi kukahulumende weMozambique labebandla eliphikisayo elikhokhelwa nguMnu. Venancio Mondlane ngenhloso yokuletha ukuhlaliseka kulelolizwe okuqhamuke udlakela ngemva kokhetho.
Amazwe akumanyano lo athi udlakela kweleMozambique seluphazamisa umnotho wamazwe akulumhlubulo wezansi yezwekazi le-Africa njalo lulakho ukubangela ukungahlaliseki.
ISADC Troika emhlanganweni osanda kuqhutshwa itshele ikomithi ebona ngezomvikela ukuthi ivikele izakhiwo zamagetsi asetshenziswa ngamazwe ambalwa akulumhlubulo kanye lezinye ezisetshenziswa ekuthengisweni kwempahla.
Amanye amazwe agoqela eleSouth Africa asezame ukukhulumisana lohulumende labaphikisayo abancintisa kukhetho olwaqhutshwa nyakenye.
Kubikwa sekufe abantu abedlula amakhulu amabili kusukela ngoMfumfu ngemva kokuba abantu beqale ukutshengisela bephikisana lempumela yokhetho.
Forum