Ibhanga elikhulu lelizwe eleReserve Bank of Zimbabwe, RBZ lithi lidinga indlela zokuthi imali ezithunyelwa ngabasemazweni zihlale emabhanga kumbe zitshintshwe zibe ngamaZiG.
Lokhu kulakho ukwenziwa ngokupha abathunyelwa imali ezivela kwamanye amazwe lezimali kusetshenziswa imali yeZimbabwe eyeZiG.
Iziphathamandla zamabhizimusi ngeviki edluleyo zitshele ibhanga leli ukuthi azisenelisi ukuthola imali zakwamanye amazwe emabhanga okulakho ukubangela ukuthi zimise umsebenzi ezinye izisebenzi.
Izizalwane zeleZimbabwe aziwethembi amabhanga njengoba sezake zalahlekelwa yimali isemabhanga.
Abakwamanye amazwe bathumela izihlobo imali ezedlula ibillion lamadola eMelika -US$1 billion ngomnyaka.
Ocebisa ibhanga lesizwe eleRBZ uMnu Persistence Gwanyanya utshele iStudio7 ukuthi abantu abawuzwisisanga umbiko weRBZ esithi abantu abasoze babanjwe ngamandla ukuthi batshintshe imali zabo kodwa ibhanga leli lizakwenza ukuthi imali yeZiG ibe lesisindo njalo abanengi bafune ukutshintsha imali zabo emabhanga.
Kodwa Ingcwethi yezenotho uMnu Masimba Kuchera osebenza lenhlanganiso yeCentre for Disability Rights uthi kuzathatha isikhathi ukuthi abantu bathembe amabhanga.
Forum