Iqhubekela Phambili Impi Yakwele Israel leHamas

Amasotsha awe-Israel laweqembu ele Hamas, elafakwa kuluhlu lwamaterrorist yiMelika aqhubekela phambili elwisana esihlengeni seGaza.

Ingcwethi ezibona ngokudlelana kwezizwe zomhlaba zithi, abathinteke kakhulu ngalimpi, ngabesiPhalestina abakulindawo ababhekane lobunzima bokulahlekelwa yimizi kanye lokuswela usizo lokudla, ukwelatshwa kwabalimeleyo lokunye.

Ibutho le-Israel libike ukuthi libhombe indawo ezingamakhulu amabili lamatshumi amahlanu ngolwesibili.

Inhlanganiso yomanyano wamazwe eye-United Nations ibika ukuba i-Israel yengezelele ukubhomba kwayo eGaza kusukisela ngoMvulo emini njalo ibutho lamaPhalestina lalo lihlasele liqonde e-Israel.

Iziphathamandla zebutho le-Israeli zithi ibutho lazo seligombolozele elinye lamadolobho amakhulu eGaza eleKhan Younis.

Ekhuluma leStudio7 ngaloludaba olandela ezombusazwe, owayengumgcinisihlalo wenhlanganiso yeBulawayo Progressive Residents Association uMnu Ambrose Sibindi uthe kuqakathekile ukuthi amazwe omhlaba angenele akhuthaze ukukhumisana umlotha phakathi kwamacele amabili la.

Embed share

Ingxoxo loMnu Ambrose Sibindi ngempi yeHamas le-Israel

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:01:37 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala