Iqembu elimela iZimbabwe emdlalweni webhola lokuqaga elamaGems, libhuqwe ngeleMalawi 59-43 esigabeni sesibili somncintiswano wenkezo yamazwe womhlaba eye Vitality Netball World Cup, odlalelwa edolobheni eleLiverpool Bhilithane ngoLwesine.
Iqembu leMalawi ekade liyimbabazane litshaye labhuqa ama Gems lachumisa abalandeli bawo, okuyinto etshiye abanengi bebambe owangaphansi.
UBeatrice Khumalo, omunye wababuthanise imali yokuphathisa iqembu leZimbabwe, uthi azamile amantombazana eZimbabwe.
“Namhla bekunzima kodwa-ke badlale kahle amadlabuzane akhona, amasaphothazi lokhe ebahlabelela. Sesikutophu eyithi sesikhangelele njalo umdlalo wokucina ikakhulu ngapha eDiaspora abantu bebencedisa abanye bebuyalama T Shirt abanye lani. So ukuthi amankazana ahlale kuhle kuthimu yethu sibelestratheji yokuthi first day sike sabanika ama 100pounds 100pounds three days later sabanika eyinye. Three days later abe Express link banika eyinye. So sizama ukwenza khonokhu ukuthi sibonukuthi balemali eskhwameni.”
Osakhulayo uSifiso Ncube, ohlala edolobheni elenzelwa lumncintiswano, uveze ukujabula okakhulu ngokudlala kweqembu lalapho adabuka khona.
AmaGems abukelwe ngabadabuka eZimbabwe abahlala eBhilithane abagoqela uNkosinathi Zvimba.
“Badlale kahle kakhulu amantombazana, akukho esikusolayo ngoba iteam yeMalawi ibonakale namuhla ukuthi bayazilolonga okuphezulu njalo ngama Champions eAfrica.”
Omunye wabesilisa ababukele umdlalo wanamuhla ngumfoka Mpofu uThamsanqa.
“… Sikholise kakhulu amantombazana adlale ibhola elihle kakhulu. Although amantombazana awe Malawi ayabonakala ukuthi hayi ngama Champions eAfrica ngempela kodwa hayi iZimbabwe layo iyeza. Kuyabonisa ukuthi emnyakeni ezayo izaba khonaphana ezingeni le Malawi. Sikholise kakhulu. Siyabonga.”
IZimbabwe isisalelwe yimidlalo emibili oweJamaica leUganda kudingwa ukuthi iyaqeda ikusibanga siphi phakathi kwesesikhombisa kumbe esesitshiyagalombili (7 loba 8).
