Ababona ngezenotho abe National Economic Consultative Forum bathi isilungele ukwethulwa okusemthethweni impumela yenhlolisiso eveza ukuba eleZimbabwe likusibanga siphi kundaba zokuqhuba amabhizimusi, i-National Competitiveness Report.
Ingcwethi kwezomnotho ziveza ukuba linhlolisiso iqhutshwe ngemva kokunanzelela ukuba kuqakathekile ukuba saziwe ngokuseqinisweni isimo somnotho welizwe ngoba inguquko uqobo ingafezeka kuphela kungakhangelisiswa amathuba akhona, inkinga ilizwe libhekane lazo lemithetho elawula ezokuqhutshwa kwamabhizimusi elizweni.
Emhlanganweni lentathelizindaba, wokwandulela ukuphawulwa kwalimpumela ngoLweSine kuyonale iviki, owenzelwe eweteleni ye Crown Plaza ngoMvulo, unobhala enhlanganisweni ye NECF, umnumzana Norman Chakanetsa, uveze ukuba inhlolisise le eqhutshwe kusukela ngenyanga kaLwezi nyakenye, ihlose ukuphathisa inkokheli ekuthini kudingwe indlela zokuthuthukisa umnotho welizwe.
Okusekelwe ngenye yengcwethi kwezomnotho, umnumzana Howard Rosen, osebenze lalenhlanganiso ngendlela yokubacebisa ethi ngoba ilakho ukuphathisa uhulumende ekubekeni imithetho ezaphathisa ukuthuthukisa inhlalakahle kazulu.
Bebekhona abaze bemele inhlanganiso lenhlangothi ezehlukeneyo abatshengise ukuluthakazelela loludaba kodwa bekhathazekile ngodaba lokuba kuzalandelwa na lokho okumunyethwe yiyo.
Umgcinisihlalo wenhlanganiso yabahleli eye Zimbabwe National Editors’s Forum, uNjabulo Ncube ubekhona laye kulomkhosi.
Uthi uzoyicela isivuthiwe, uNcube, esembona uhulumende esekulandela okumunyethwe yilolugwalo njengoba zizinengi inhlolisiso esezithe zenziwa, engazihluphi ukulandela iziqondiso eziphuma kizo.
Ukuphawulwa kwalereport, okwakuqala eZimbabwe, kutsho ukuba eleZimbabwe sekuyilizwe lesithathu ezwekazi leAfrica, ukwenze njalo, ilandela ele Egypt leleSenegal.
