Iphalamende yeMelika Isizavivinya Abakhethwe nguTrump Ukuthi Babe Ngabaphathintambo Bakahulumende

Idale lePhalamende yeMelika, eleSenate, ngoLwesibili lizasungula uhlelo lokubuzizisa lokuvivinya labo abakhethwe nguMnu Donald Trump ukuba ngabaphathintambo bakahulumende wakhe phambilini kokuqala kwakhe umsebenzi ngoMvulo, ngeviki ezayo.

Abantu laba bagoqela uMnu Doug Collins, okhethwe ukuba ngumholi wogatsha lwabalwa impi olweVeterans Affairs, uMnu Marco Rubo, yena ozakuba ngunobhala obona ngobudlelwano beMelika lamanye amazwe uSecretary of State kanye lozakuba ngunobhala wogatsha lwezomvikela uPete Hegseth.

UMnu Hegseth useke wethula amazwi asolwa ngabanengi achothoza amabutho esifazana.

Lanxa kungazakali ukuthi idale leSenate lizapasisa na bonke abakhethwa bakaMnu Trump, inengi likhanya lizapasa ngoba ibandla likaTrump elemaRepublicans yilo elilawula amadale womabili ePhalamende, ebizwa ngesiNgisi ngokuthi yiCongress.

Ocubungula ezombusazwe uMnu Effie Dlela Ncube utshele iStudio 7 ukuthi ayalingana amathuba okuthi uHegseth apasiswe kumbe evinjwe ukungena esikhundleni yiSenate.

Embed share

Ingxoxo loMnu Effie Dlela Ncube

by VOA

Embed share

The code has been copied to your clipboard.

The URL has been copied to your clipboard

---

No media source currently available

0:00 0:03:05 0:00

Lapho esitholakala khona

• 16 kbps | MP3
• 32 kbps | MP3
• 48 kbps | MP3

Ukudlala