Umphathintambo wesabelo seMatabeleland North, uMnu. Richard Moyo, uthi uhulumende uzasungula uhlelo lokunika abantu abalambayo ukudla ngeviki ezayo ngoba inengi labo kalilamali lamabele ngenxa yokoma okuphehlwe yisikhudumezi somkhathi ese-El Nino.
Utshele iStudio 7 ukuba abanye abahlala esabelweni lesi sebatshintsha inkomo zabo ngesaka lomumbu kumbe imali ephansi kwenkulungwane ezintathu zama rand ukwenzela ukuphandela imuli zabo ukudla.
Lokhu kwenzekala ngesikhathi idollar leZimbabwe ligugudeka ngamandla.
Okwamanje idollar leMelika lithenga amadollar eZimbabwe azinkulungwane ezingamatshumi amane lantathu – 43,000 emkambo wensitha. Emkambo kahulumende lithenga amadollar eZimbabwe azinkulungwane ezingamatshumi amabili lantathu kusiya phezulu.
Ingcwethi ezizimeleyo zithi kumele kulungiswe ezombusazwe ukuze idollar lelizwe libe lesisindo.
Zithi lizagugudeka ngamandla idollar leZimbabwe ngesikhathi sendlala njalo uhulumende kukhanya engelamaqhinga abonakalayo okudingela uzulu ukudla.
Forum