Izakhamizi ze-Irisvale esigabeni seUmzingwane esabelweni seMatabeleland South zikhala ezimathonsi ngokulahlekelwa yizifuyo ezifela emagodini agejwa yinkampani yeChinese Lee Private Limited, emba igolide kumfula uMzingwane.
Zithi sokuwele inkomo ezifika ikhulu lonyaka emagodini la njalo inkampani le isitshaphaze umfula lo omkhulu lokunye okwezemvelo endaweni le.
Izakhamizi zithi inkampani le iphosela insalela yokwenjiwayo okulemithi ebulalayo emfuleni lo. UMnu. Mjikwane Nkomo, obezama ukuhlenga inkomo ewele egodini eliphandwe yiChinese Lee Private Limited, uthi kubi okwenzakala endaweni le.
"Inkomo isibanjelelwe kutshu kuthi lokho ingene khonapha ngeSonto khoni'bonakale izolo ntambama so sesizama ukuthi siyigebhe siyikhiphe but sokuhlala impukane so vele sokusitsho ukuthi vele siyakufa, sezingu8 ezami esezifile zizodinga amanzi manje lapha zihlangana leSlime samaChina, amaChina ayetsheketsha khonapha sokuleskhathi etsheketsha khona so ingafika lapha idinga okuyigreen khonokhu engikuphetheyo lokhu iyabikulandelela isibhaja.”
Banengi asebefelwe zinkomo eziwela emagodini. UMnu Phumulani Dube usefelwe ngezinhlanu.
"Safika lapha satholu'kuthi inkomo le ibanjelwe lapha edakeni yikho ukuyihlenga kwethu ,zilanda ukukhazimula lokhuyana okuyabe kukhona hanti ziyabe zibona angathi ngamanzi mayiphezulu edundulwini so ibisibona angathi ngamanzi masifike duze isithi iyanatha laphana ihle ingene ibisehluleka ngoba vele khathesi hanti zilentolo vele ngobunengi."
Esinye njalo isakhamuzi uMnu. Phineas Sithole waphelelwa yisibaya. Uthi uhulumende ubalahlile ngokuvumela abadabuka kweleChina ukuthi bembe igolide emfuleni uMzingwane.
"Abantu laba nxa begebha lapha bona besithi belengcwadi zikaHulumende kabagebhe phela bekhipha idoti yabo leyi i'Slym yabo bayeyifaka ngaphandle komfula kulezindonga lezindonga okumele ukuthi ngabe bagqiba kizo kodwa bona ngenxa yokuthi balama powers from government abasasilaleli, bazenzelu'mathanda.Inkomo ziyafa, ngamadonki konke kuwela elokhuzenini,emigelweni yabo yonaleyi."
Abamele inkampani le bathi abazange batshiye imigodi evulekileyo ngoba eyabo bayivala ngakho-ke ukufa kwenkomo akusiwo mlandu wenkampani yabo. Baphinde bathi balamaphepha okwemba igolide kulindawo njalo banika abaphathi besigaba lesi imali ukuthi isebenze ikhululekile. UMnu. Meluleki Moyo, osebenzela inkampani yeLee Gold Mining Private Limited, uyafakaza lokhu.
"Kulemali abayiphiwayo ukuthi batshonise iskotsho sabo. Um'China yenalowo owakhonapho wasekhuluma ukuthi sesizosebenza sizaligebhela iBorehole yesi2 ,imali bayiphiwa ,kule2400 eyanikezwa uCouncillor wayisayinela, kulemali abayakhitshwayo ekaVillage 6 besithi bafuna isolar system kulamaPictures aphumayo besemukela leyo mali layo bayisayinela futhi."
Kodwa uSobhuku uMbuso Nyoni uyakuphika okukhulunywa nguMoyo.
"Bakhona abayinikwayo kodwa thina ivillage zethu zonke akuzange sike sinikwe imali yakhona, akukhanyi ukuthi kuyangaphi, njalo kunengi esesakwenzayo sicela kodwa-ke akulula ukuthi liphendulwe."
UKhansila kaWard 13 eIrisvale uMnu. Jabulani Makhala, okuthiwa wathatha imali yenkampani le, uthi ayitholayo yayingeyokulungisa umgodi wamanzi.
"Kwakulomunye undoda esasisebenza laye angithi, owabo amaChina khonangale onguye engathi ngisiya eCouncilini ngisenzel'ukuthi abantu bathi benefit something out of that scheme angithi, nguye owayelezinto zonke angithi phela. Mina imali engikwaziyo ukuthi khonakhona basipha yona ngeye borehole eyi one leyi angithi, the rest of money kutsh’ukuthi undoda lowana nguye okwaziyo ukuthi wenzani ngakhona hanti. I'm not happy ukubona umfula unjeyana lami yikho usizwa ngikhuluma ngayonaleyi'ndlela angithi. Mina ngathatha, ngabuya labo ama-paper akhona ngilawo ngekhaya, 1300 yes, for this one esayitshaya yaba yidry and that was the end."
Uyaphambili uKhansila Makhala esithi laye izifuyo zakhe zafela emfuleni okulamagodi lenhlabathi elemithi engaziwayo.
"Into enzakalayo umfula uvele uwonakele bakithi kusukela khonale phezulu mina bengizidinga ezami inkomo ngisukela nga, konke lapha okwagebha khona amaChina even some years back hanti kulalo'luyana udaka olusoft soft loluyana, inkomo inga crosser kuphela khonapha lapha abadlula khona engxe 5 years ago nxa kungani kubuthakathaka hanti ziyabe zihawukela ibhuma leliyana ingavele inyathele, gone!"
Uhulumende weZimbabwe ngoNcwabakazi lonyaka umise zonke inkampani zakweleChina ezemba igolide emfuleni. Abenkampani yeLee Gold Mine Private Limited labo bathi sebema ukugebha igolide. UMoyo uchasisa ngesimo sabo.
"Thina okukhona endaweni esiyigebhileyo yiyonale eliyibonayo encinyane le from laphana sisiyacina laphana. Kwaba leban I think sile 2 months back singasebenzi. Ekumeni kwethu thina ingathi iproblem esilayo okwakhathesi yindaba yamanzi , but kwaba leBan ukuthi siqale sime ukugebha umfula."
Abohlangothi lukahulumende olubona ngezokulondolozwa kwezemvelo olweEnvironmental Management Agency balile ukukhuluma leStudio 7 ngaloludaba besithi amankampani emba emfuleni amiswa ukusebenza nguhulumende, ngakho-ke akulanto yokuphawula ngodubo olusemfuleni uMzingwane.
Forum