Inkampani enkulu eZimbabwe elungisa izimota eye Willowvale Motor Industries ilakho ukudilika nxa ingehluleka ukubhadala isikwelede sezigidi ezedlula ezintathu zamadola eMelika (US$3.4 million) se nkampani ye Itochu Corporation eye Japan.
Inkampani ye Willowvale icele isikwelede kuhulumende ngeviki ephelileyo ukwenzela ukubhadala isikwelede lesi phezu kokunikwa amalanga amalutshwana yinkampani ye Itochu ukuthi ihlawule imali efunakalayo.
Loludaba soluhlolisiswa yi komidi ekhangelane lezama nkampani kahulumende ama parastatals.
UMnu. Misheck Kagurabadza uthi ikomidi le yethekelele inkampani ye Willowvale ngolweSibili lapho ekhulume ngenhlupho zayo labaqondisi bayo lezisebenzi.
