Kufa abantu abalitshumi lane engozi yomgwaqo inengi labo kungabe Zimbabwe ngemva kokunqikilana kwemotha abakade behamba ngayo besiya kweleSouth Africa le lorry.
************ Idale le Constitutional Court linquma ukuba kungaphandle komthetho ukwendisa abantwana besese bancane, esichazwe ngabanengi njengesiqakathekileyo kakhulu embalini yokwethulwa kwemithetho eZimbabwe.
************* Abanye beZimbabwe eGaborone bathi abathokoziswa yindlela ihofisi yommeli welizwe kweleBotswana ebamba ngamandla abantu ukugcwalisa iphetshana elibuza imbuzo ngempilo zabo.
************ Kwezemidlalo…… Umqeqetshi weqembu lenguqu labasakhulayo ele Highlanders elidlala ku Southern Region Soccer League uMelusi Sibanda uthi iqembu leli lizalwisa ukuba liphutshe imidlalo yalo lihlezi kuzinga laphezulu engalaneni yemiklomelo.
***********KuLivetalk namhlanje sikhangela isinqumo somthethwandaba weConstitutional Court othi kungaphandle komthetho ukwendisa abantwana besesebancane. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Sitholakala njalo kuFacebook ekhasini lethu ele VOA Ndebele.
