Idale leConstitutional Court libeka eceleni isinqumo esiphezu kodaba olukhwezwe ngumnumzana Shadreck Chahwira labanye bakhe abalitshumi lantathu, abagwetshwe ukulengiswa, phezu kokuphuza kukahulumende ukugcwalisa leso sigwebo.
************ Amahofisi kamsekeli kaMongameli uMnu Emmerson Mnangagwa avuke egqekeziwe namuhla kusehlakalo esicatshangelwa ukuthi silokwenza lokulwisana okukubandla leZanu PF.
************* Ababalisi abaqalise ukukhalale umsebenzi ekuvulweni kwezikolo izolo bathi sebesethuselwa ngabacuphi bakahulumende ama CIO, wona athi ukukhalala umsebenzi lokhu akukho emthethweni.
************ Kwezemidlalo……Kambe iqembu lomdlalo wenguqu elibe zintshantshu nyakenye esigabeni sika Division 2 ko Bulawayo ele Talen Vision lizenelisa ukulingisa ele Bulawayo City lona elifike ladlulela esigabeni se Southern Region Soccer League lahle layadlala kuPSL.
***********KuLivetalk namhlanje sikhangela ukufuthelana okuqhubeka ebandleni leZanu PF. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Sitholakala njalo kuFacebook ekhansini lethu ele VOA Ndebele.
