********* Ukufuthelana kuqhubekela phambili edolobheni le Chitungwiza kulandela udlakela oluqhamuke izolo phakathi kwabemitshova, uzulu lamapholisa.
*************Izizalwane zeZimbabwe ezihlala phandle kwelizwe kazamukeli imizamo kahulumende yokwethula imigoqo ephathelane labo, eye National Diaspora Policy.
************ Inkulungwane lenkulungwane zabeZimbabwe ziqhubeka zingena kweleBotswana ngemva kwekhefu leKhisimusi, kulezinye izihambi eziqeda amahola afika ayisithupha zilindele ukuthola uncedo emngceleni wePlumtree.
************ Ukusebenza gadalala kwezizalwane zeZimbabwe kweleSouth Africa sekwenze inengi lazo zihlonitshwe ngokuphiwa izicoco kulezo ezisebenzela inkampani yemithi yemvelo eye Green World kweleSouth Africa.
***********KuLivetalk namhlanje sikhangela udlakela lokulwisana okuqhamuke phakathi kwabatshayeli bemitshova lamapholisa eChitungwiza. Lingakhuthwa yilezindaba lezinye kuStudio 7 ngo 8 ntambama kumagagasi athi 909 am, 4930, 12080, lo 15460 kilohertz kuShortwave. Sitholakala njalo kuFacebook ekhansini lethu ele VOA Ndebele.
