Inhloko kahulumende, uMnu. Morgan Tsvangirai uthi ufuna abakumsebenzi wokusakaza bazifakele bodwa imigoqo hatshi ukufakelwa imithetho ebanqabela ukusebenza kwabo nguhulumende. UTsvangirai ukhulume lamazwi ngolweSine engakasuki elizweni elubhikise emazweni ase nyakatho yezwekazi le Africa.
Umsekeli kamgcinisihlalo wenhlanganiso ye MISA-Zimbabwe, uMnu. Njabulo Ncube, ekhuluma embuthanweni wangolweSine uthe kuyadanisa ukubona umsakazo weZBC usebenza njengengxenye yeZANU PF.
UChris Gande weStudio 7 uxoxe lomgcinisihlalo we MISA – Zimbabwe, uMnu. Loughty Dube othi kuyamangalisa ukuthi sekwedlule phose umnyaka kubunjwe uhulumende womanyano kodwa lokhu kulomsakazo owodwa nje kuphela ovunyezwa ukusakaza.
