Inhlanganiso ekhuthaza ukuxolelwa kwezikwelede zelizwe eye zimcodd lkhuthaza ukunanzwa kwamalungelo abantu kumpilakahle yabo lakwezomnotho kulandelwa isisekelo sombuso ukuze impilo yabo ithuthuke.
Inhlanganiso, eye ZIMCODD ibilomhlangano lamalunga ayo avela kundawana ezitshiyeneyo zelizwe lamhlanje behlose ukulungisisa indlela abazasebenza ngayo kuminyaka ezayo.UNkoszazana Nomalanga Ncube yisiphathamandla salinhlanganiso. Ke sizwe ingxoxo esiyenze laye:
UNcube uthi okwamanje abakulwelayo ngezomnotho welizwe lamalungelo kazulu atholakala kusisekelo sombuso esitsha.
Unkosazana Clarity Sibanda osebenzela e mahofisini e ZIMCODD e Harare uthi lokhe amalungelo etshaphazwa ngesikhathi kokuxotshwa kwabathengisela ezitaladeni ama vendor kundawo abasebenzela kizo bona bezizamela impilo ngesikhathi lemisebenzi ingatholakali, kunye lokulungisiswa komthetho wezikwelede owe Debt Assumption Bill.
USibanda uthi abantu babhadala imithelo kuhulumende ngakho balelungelo lokubakwazi ukuba lesi sikwelede sebhanga lesizwe savela ngaphi njalo kungobani abenelise ukuthola imali kilo ethi I ZIMCODD isibambe imihlangano etshiyeneyo lohulumende kuhlaziywa loludaba.
Linhlanganiso isebenzelana lamalunga avela kuzigaba lenhlangothi ezigoqela abalimi, abemba imigodhi ama miners, abaphila legcikwane lehiv kunye lezisebenzi phakathi kwabanengi njalo amanxuswa kulumhlangano evele kundawo ezogoqela iChecheche, Gokwe, Matopo, Binga, Mutare le Harare.
Intathelizindaba yethu uMark Peter Nthambe usethulela loludaba eseHarare.
