Inhlanganiso ye World Food Program ithi isimise okwesikhatshana ukwabela izakhamizi emaphandleni ukudla kulandela amanyathelo athethwe nguhulumende awokuthi abantu bengabuthani ngendlela yokuvikela ukumemetheka kwegcikwane leCoronavirus.
Izakhamizi zibuthana ngobunengi lapho ziholiswa lokhu ukudla kodwa ukhansila weNtepe uMnu Miclas Ndlovu uthi zizabulawa yindlala nxa lokhu kudla kungamiswa ngenxa yaleligcikwane.
UMnu Gerald Mano owenhlanganiso yeAfricare eyiyo ebona ngokuhanjiswa kwalokhu ukudla emaphandleni uthi basadinga indlela zokukwaba bengephuli amanyathelo athethwe nguhulumende awokuvimbela ukumemetheka kwegcikwane leCorina.
UMongameli Emmerson Mnangawe ngoLwesibili wazise ukuthi uhulumende usethethe inyathelo lokuvimba imbuthano yonke elabantu abedlula ikhulu egoqela eyokukhonza, eyemitshado kanye leyemidlalo.ndleni zithi zisemnyameni ngegcikwane leCoronavirus eselibulele inkulungwane lenkulungwane zabantu emhlabeni jikelele
Izakhamizi emaphandleni zithi zisemnyameni ngegcikwane leCoronavirus eselibulele inkulungwane lenkulungwane zabantu emhlabeni jikelele njalo zikhuthaza uhulumende ukuthi asukumele phezulu bafundiswe ngaleligcikwane ngendlela yokwenqabela ukumemetheka kwalo.
