Inhlanganiso ye Famine Early Warning Systems Network, i FEWSNET, yethule umbiko othi isimo sokudla besingcono elizweni kumnyaka esisanda kuwugqiba ngoba isivuno besiphezulu nxa siqathaniswa leseminyaka edluleyo, kukanti inhlanganiso ezizimeleyo bezincedisa abalambayo ngokubanika ukudla.Inhlanganiso le ithi ezinye izizatho yikuthi
Intengo yokudla ibiphansi, njalo lomumo welizwe ubusungcono kodwa izigaba ezome kakhulu, ngezigoqela iMatabeleland South, iMasvingo leManicaland bezilokhu zibhekane lokuswelakala kokudla.
USithandekile Mhlanga we Studio 7 uxoxe loMnu. Renson Gasela, ingcwethi kwezokulima, njalo eyisiphathamandla secele leMDC elikhokhelwa nguMnu. Arthur Mutambara ukuze sihlaziye okunengi okumunyethwe ngumbiko lo.
