Liviki kuhlelo "Liphuma Lendaba Litshona Lendaba" sixoxa lomkhokheli wenhlanganiso elwela ilungelo lezisebenzi, iZimbabwe Congress of Trade Unions, uMnu. George Nkiwane phezu kodaba lokutshengisela ngoMgqibelo ozayo.
Loluhlelo lwathathwa ngemva kokuba uhulumende eyazise ukuthi lo umnyaka kasoze engezelele iholo lezisebenzi ngoba esithi kalamali.
UNkiwane uthi loku kutsengisela akusoze kuthinte izisebenzi kuphela kodwa uzulu wonke we Zimbabwe okhonona ngomumo wezomnotho.
IZCTU ithi amapholisa asebaphe imvumo eHarare ukuthi batshengisele kodwa kwamanye amadolobho abalisa koBulawayo amapholisa athi kawasoze abavumele ukutshengisela ngoba ayabe ebambekile. Kodwa bathi bazakusa oludaba emthethwandaba.
Kodwa abalwa impi yenkululeko bengabasekeli bebandla le Zanu PF bathi nxa izisebenzi zingatshengisela baza ngenela bazitshaye.
