Inhlanganiso ye-Occupy Africa Unity Square ithi isifuna ukuphanyeka udaba lokuthunjwa kuka Mnu. Itai Dzamara kunhlanganiso yeAfrican Commission on Human and People’s Rights.
UMnu. Charles Nyoni, ilunga lenhlanganiso le, uthi amagqwetha abo afisa ukuthi udaba lolu luhlolisiswe yikhomishini le ngoba sokwehlule kwele Zimbabwe.
Unyoni uthi ikhomishini le ilakho ukuvezela uzulu okwenzakala kuDzamara lobanje ingakaze ikwenze lokhu kwamnye amazwe.
Sehlulekile ukuxoxisana labaphathintambo bakahulumende ngodaba lolu.
Seleminyaka emithathu uDzamara wanyamalala ngesikhathi ezama ukuthi kususwe uMnu. Robert Mugabe esikhundleni. UMugabe wasuswa esikhundleni libutho elabambisana lowayengumsekeli wakhe owayesexotshwe umsebenzi, uMnu. Emmerson Mnangagwa osengumongameli welizwe.
UMnangagwa kakakhulumi ngodaba lokuthunjwa kukaDzamara selokhu wangena esikhundleni nyakenye.
